სიღნაღის მუნიციპალიტეტის მერმა გიორგი გოგილაშვილმა ინფრასტრუქტურის სამსახურის უფროსთან ერთად მუნიციპალიტეტში მიმდინარე ინფრასტრუქტურული პროექტები დაათვალიერა და სამუშაო დეტალებს ადგილზე გაეცნო. ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.
გიორგი გოგილაშვილის განცხადებით, სიღნაღის მუნიციპალიტეტში არაერთი ინფრასტრუქტურული პროექტი მიმდინარეობს, რომელთა მონიტორინგსაც აქტიურ რეჟიმში განახორციელებს.
„ჩვენთვის მნიშვნელოვანია მოსახლეობამ დროულად ისარგებლოს გაუმჯობესებული ინფრასტრუქტურით და განხორციელებული სამუშაოების შედეგად მიღებული სარგებელი თითოეული მოქალაქის ყოველდღიურ ცხოვრებაზე აისახოს,“ - აღნიშნა გიორგი გოგილაშვილმა.