დონალდ ტუსკის თქმით, ევროკავშირის ერთ-ერთი ყველაზე დიდი გამოწვევა დონალდ ტრამპია, რადგან ის „ლოცულობს“, რომ ბლოკი დაიშალოს.

„პირველად ისტორიაში, ამერიკას ჰყავს პრეზიდენტი, რომელიც ღიად ეწინააღმდეგება გაერთიანებულ ევროპას. ის მხარს უჭერს „ბრექსითს“ და ლოცულობს, რომ ევროპის კავშირი დაიშალოს“, - განაცხადა ტუსკმა გერმანულ გაზეთთან Die Zeit-თან ინტერვიუში.

დონალდ ტუსკი, პოლონეთის საგარეო საქმეთა ყოფილი მინისტრი, ევროპის სახალხო პარტიის პრეზიდენტად გასულ კვირას აირჩიეს.