ევროპის საბჭოში საქართველოს თავმჯდომარეობასთან დაკავშირებით  სტრასბურგში საზეიმო ღონისძიებები გაიმართა

ევროპის საბჭოში საქართველოს თავმჯდომარეობასთან დაკავშირებით სტრასბურგში საზეიმო ღონისძიებები გაიმართა, - ამის შესახებ „ინტერპრესნიუსს“ საქრთველოს საგარეო საქმეთა სამინისტროდან აცნობეს.

მათივე ინფორმაციით, დღეს ევროპის საბჭოში საქართველოს თავმჯდომარეობასთან დაკავშირებით სტრასბურგის რესპუბლიკის მოედანზე საქართველოს თავმჯდომარეობისადმი მიძღვნილი დაფის პრეზენტაცია გაიმართა. პრეზენტაციის ფარგლებში, საზოგადოებას სიტყვით სტრასბურგის მერის მოადგილემ ნაოელ რაფიკ ელმრინმა, ევროპის საბჭოს გენერალურმა მდივანმა მარია პეიჩინოვიჩ ბურიჩმა, ევროპის საბჭოში საფრანგეთის მუდმივმა წარმომადგენელმა ჟან-ბატისტ მატეიმ და საქართველოს საგარეო საქმეთა მინისტრმა დავით ზალკალიანმა მიმართეს.

თავის გამოსვლაში მინისტრმა აღნიშნა, რომ საქართველოს, ევროპის საბჭოს მინისტრთა კომიტეტის თავმჯდომარე ქვეყნის ფუნქციის შესრულება ორგანიზაციაში გაწევრიანებიდან 20 წლის შემდგომ დაეკისრა, რაც დიდი პასუხისმგებლობაა.

„თავმჯდომარეობა შესანიშნავ საშუალებას გვაძლევს, საინტერესო, მოცულობითი პროგრამის მეშვეობით, ქართული კულტურისა და ხელოვნების პოპულარიზაციას შევუწყოთ ხელი“, - განაცხადა ზალკალიანმა.

მინისტრმა საზოგადოებას თავმჯდომარეობის პერიოდში საქართველოს კულტურული პროგრამა გააცნო და აღნიშნა, რომ ქ. სტრასბურგში დაგეგმილია: საქართველოს ნაციონალური ბალეტის - სუხიშვილების კონცერტი; სტრასბურგის საშობაო ბაზრობაზე საქართველოში წარმოებული მრავალფეროვანი პროდუქციის წარმოდგენა; ახალგაზრდა ქართველი შემსრულებლის გვანცა გაგნიძის კონცერტი სტრასბურგის ფილარმონიის ორკესტრის აკომპანიმენტით; ცნობილი ქართველი დიზაინერის, ქეთი ჩხიკვაძის ჩვენება და ქართული ფილმების, მათ შორის მიხეილ კობახიძის მოკლემეტრაჟიანი ფილმების ჩვენება.

ევროპის საბჭოს გენერალური მდივანი, მარია პეიჩინოვიჩ ბურიჩი მიესალმა საქართველოს მიერ არჩეულ პრიორიტეტებს. „თქვენ საინტერესო პრიორიტეტები განსაზღვრეთ. მივესალმები საქართველოს მთავრობას და ჩვენს მომავალ თანამშრომლობას“, - აღნიშნა ბურიჩმა.

ცერემონიის ფარგლებში მოხდა საფრანგეთის ეროვნული დროშის დაშვება საფრანგეთის სახელმწიფო ჰიმნის ფონზე და საქართველოს სახელმწიფო ჰიმნის ფონზე საქართველოს ეროვნული დროშა აღიმართა. ცერემონიის დასასრულს ევროპის ჰიმნი გაჟღერდა. საქართველოს სახელმწიფო დროშა ქ. სტრასბურგის მერიასთან საქართველოს თავმჯდომარეობის პერიოდში, ექვსი თვე იქნება აღმართული, იქვე განთავსდება თავმჯდომარეობისადმი მიძღვნილი დაფა.

დროშის ცერემონიის დასრულების შემდეგ სტრასბურგის მერის სახელით საზეიმო მიღება გაიმართა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება