აქციის მონაწილეები, რომლებიც დილიდან ჩიტაძის ქუჩაზე შეიკრიბნენ, პარლამენტთან მისვლას ალტერნატიული გზებით ცდილობენ.
ამ წუთებში ისინი ინგოროყვას ქუჩის გავლით, რუსთაველზე გასვლას ცდილობენ, საიდანაც საკანონმდებლო ორგანოსთან მისვლას შეეცდებიან, თუმცა ინგოროყვას ქუჩაც პოლიციას ჩაკეტილი აქვს.
შეგახსენებთ, რომ ჩიტაძის ქუჩაზე შეკრებულებს პარლამენტთან მისვლა და საკანონმდებლო ორგანოს შესასვლელების ჩაკეტვა სურდათ, თუმცა აღნიშნულ ქუჩაზე პოლიციას რკინის ჯებირები აქვს განლაგებული, უშუალოდ საკანონმდებლო ორგანოს შესასვლელები კი თავად აქვს გადაკეტილი.