გია ვოლსკი „ნაცმოძრაობაზე“ - მათ უნდათ ის რევოლუციური რეჟიმი, რომელსაც სააკაშვილი 2014 წლიდან აანონსებდა
მათ უნდათ ის რევოლუციური რეჟიმი, რომელსაც სააკაშვილი 2014 წლიდან აანონსებდა, - ამის შესახებ ჟურნალისტებს პარლამენტის პირველმა ვიცე-სპიკერმა გია ვოლსკიმ განუცხადა.
მისივე თქმით, „ნაციონალურმა მოძრაობამ“ გაცილებით დიდი წვლილი შეიტანა პროპორციული საარჩევნო სისტემის ჩაგდებაში, ვიდრე იმ ადამიანებმა, ვინც ამას თავიდანვე ეწინააღმდეგებოდნენ.
„ნაციონალური მოძრაობისთვის“ გამარჯვების პერსპექტივის არგამოჩენა იმ აგრესიას განაპირობებს, რაც დღეს აქვთ. როცა გულზე მჯიღს ირტყამენ და ამბობენ, რომ მათი პოპულარობა დღითი დღე იზრდება, გამოვიდნენ არჩევნებში და მიიღონ მონაწილეობა. მათ უნდათ ის რევოლუციური რეჟიმი, რომელსაც სააკაშვილი 2014 წლიდან აანონსებდა. ხედავთ რა ხდება ეს არის დესტრუქციული ძალა,“ - განაცხადა ვოლსკიმ.
