ნავთობისა და გაზის სახელმწიფო სააგენტოს უფროსი და დედოფლისწყაროს მერი ნავთობკომპანია „ფრონტერას“ თანამშრომლებს შეხვდნენ

დედოფლისწყაროს მუნიციპალიტეტის მერი ნიკოლოზ ჯანიაშვილი საქართველოს ნავთობისა და გაზის სახელმწიფო სააგენტოს უფროსთან გიორგი ტატიშვილთან ერთად, ნავთობკომპანია „ფრონტერას“ თანამშრომლებს შეხვდა. ამის შესახებ „ინტერპრესნიუსს“ დედოფლისწყაროს მუნიციპალიტეტის მერიიდან აცნობეს.

„ფრონტერას“ წარმომადგენელთა განმარტებით, კომპანიას მათთვის ხელფასი მრავალი თვის განმავლობაში არ გადაუხდია.

„მიუხედავად იმისა, რომ საწარმო კერძოა და ეს არის კერძო სუბიექტებს შორის დავა, მასში 130-ზე მეტი დედოფლისწყაროელი მუშაობს, ჩვენთვის თითოეული თანამემამულის ბედი მნიშვნელოვანია. აქედან გამომდინარე, ხელისუფლება საკუთარ მოქალაქეებს მაქსიმალურად დაიცავს“, - აღნიშნა შეხვედრაზე ნიკოლოზ ჯანიაშვილმა.

„გიორგი ტატიშვილის განცხადებით, თუ „ფრონტერასა“ და სახელმწიფოს შორის გარიგება შედგება, ხელისუფლების ნომერ პირევლი პირობა კომპანიის მიერ სახელფასო დავალიანებების დაფარვა იქნება. სააგენტო ხელმძღვანელმა ასევე აღნიშნა, რომ არსებობს ალტერნატიული გზებიც. ნებისმიერი მათგანის განხორციელების შემთხვევაში კი „ფრონტერას“ თანამშრომელთა ინტერესები დაცული იქნება.

ნავთობ კომპანიის წარმომადგენლებმა ნიკოლოზ ჯანიაშვილს და გიორგი ტატიშვილს თანადგომისათვის მადლობა გადაუხადეს და იმედი გამოთქვეს, რომ პრობლემა უახლოეს პერიოდში მოგვარდება“, - ნათქვამია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ