,,ახალგაზრდობის სააგენტოს” და ევროკავშირისა და ევროსაბჭოს ერთობლივი პროგრამის „პარტნიორობა ახალგაზრდობისთვის“ ორგანიზებით, 27-28 ნოემბერს, ორდღიანი საერთაშორისო სემინარი გაიმართა თემაზე -„ახალგაზრდული საქმიანობის შესაძლებლობების განვითარება აღმოსავლეთ ევროპაში.“
როგორც „ინტერპრესნიუსს“ „ახალგაზრდობის სააგენტოდან“ აცნობეს, განხილვის ძირითად თემებს წარმოადგენდა ადგილობრივ დონეზე ხარისხიანი ახალგაზრდული საქმიანობის განვითარების შესაძლებლობები; აღმოსავლეთ ევროპაში ცოდნაზე დაფუძნებული ახალგაზრდული საქმიანობის განვითარების მხარდაჭერა, ასევე ხარისხიანი ახალგაზრდული საქმიანობის განვითარების მიმართულებით არსებული საუკეთესო გამოცდილების გაზიარება და აღმოსავლეთ ევროპაში ახალგაზრდული საქმიანობის განვითარების პერსპექტივა.