მარიამ ჯაშის განცხადებით, ახალი ფრაქცია არ იხელმძღვანელებს არც ერთი პოლიტიკური პარტიის დღის წესრიგით

ფრაქცია არ იხელმძღვანელებს არც ერთი პოლიტიკური პარტიის დღის წესრიგით. ჩვენ ვინარჩუნებთ დამოუკიდებელი დეპუტატების მიუკერძოებელ პოზიციებს, - ამის შესახებ დეპუტატმა მარიამ ჯაშმა განაცხადა, რითაც გამოეხმაურა პარლამენტში ახალი ფრაქციის „დამოუკიდებელი დეპუტატები“ შექმნას, რომლის ხელმძღვანელიც თავად იქნება.

როგორც ჯაში აღნიშნავს, ეს მისთვის საინტერესო გამოწვევაა.

„ჩემთვის უაღრესად მნიშვნელოვანი იყო დამოუკიდებელი დეპუტატის სტატუსი და თავისუფალი, მიუკერძოებელი განცხადებების და პოზიციების დაფიქსირების შესაძლებლობა. 5 დღეა ეს შემოთავაზება იყო კოლეგების მხრიდან. მე კოლეგებისგან დავინახე, რომ ისინი მზად არიან შეიქმნას კონსტრუქციული ფრაქცია, რომელიც საზოგადოების ინტერესებზე იქნება ორიენტირებული. ჩემთვის ეს არის ძალიან საინტერესო გამოწვევა. გვინდა, რომ შეიქმნას ახალი დღის წესრიგი. თითოეული ჩვენგანი ინარჩუნებს ინდივიდუალური განცხადებების გაჟღერების შესაძლებლობას, როგორც დამოუკიდებელი დეპუტატები, მაგრამ ფრაქციის სახელით გაჟღერდება მხოლოდ შეჯერებული პოზიციები. ფრაქცია არ იხელმძღვანელებს არც ერთი პოლიტიკური პარტიის დღის წესრიგით. ჩვენ ვინარჩუნებთ დამოუკიდებელი დეპუტატების მიუკერძოებელ პოზიციებს“, - განაცხადა მარიამ ჯაშმა.

ამასთან, იგი დარწმუნებულია, რომ დეპუტატები, რომლებმაც უმრავლესობის რიგები 14 ნოემბრის კენჭისყრის შემდეგ დატოვეს, გაერთიანებას შეძლებენ და პარლამენტში ახალი ფრაქციები კიდევ შეიქმნება.

„დარწმუნებული ვარ, რომ ჩემი სხვა კოლეგები შეძლებენ გაერთიანებას და დარწმუნებული ვარ, ჩვენ კიდევ ვიხილავთ სხვა ფრაქციებს, რათა უფრო მრავალფეროვანი გახდეს დამოუკიდებელ დეპუტატთა ჩართულობის შესაძლებლობა,“ - აღნიშნა მარიამ ჯაშმა.

შეგახსენებთ, ახალ ფრაქციაში „დამოუკიდებელი დეპუტატები“ ერთიანდებიან: ლევან გოგიჩაიშვილი, ლევან კობერიძე, გედევან ფოფხაძე, ზვიად კვაჭანტირაძე, კობა ნარჩემაშვილი და მარიამ ჯაში.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას