იტალიის პოლიციამ 19 ადამიანის სახლში რეიდი განახორციელა. როგორც CNN-იტყობინება, მათ სურდათ „პრო-ნაცისტული, ქსენოფობიური და ანტი-სემიტური“ პარტიის შექმნა.

პოლიციამ ეჭვმიტანილების სახლებში იარაღი, ნაცისტურ, ფაშისტური სიმბოლოები და პროპაგანდისტული მასალები აღმოაჩინა, მათ შორის ადოლფ ჰიტლერისა და ბენიტო მუსოლინის პლაკატები და მათი ამსახველი დროშები.

მათი ცნობით, აღნიშნული ადამიანები იდეოლოგიური ფანატიზმის გავრცელებას ეწეოდნენ, იყენებდნენ რა სოციალურ მედიას სხვა მხარდამჭერების მოსაზიდად.

პოლიციის ინფორმაციითვე, ჯგუფის წევრებს კავშირი ჰქონდათ ინგლისისა და პორტუგალიის ნეო-ნაცისტურ ჯგუფებთან. იტალიის მედიის ცნობით, ეჭვიტანილთა შორისაა, 50 წლის ქალი, რომელიც თავს „ჰიტლერის სერჟანტ-მაიორს“ უწოდებს და 26 წლის ქალი, რომელიც „მის ჰიტლერად“ მოიხსენიება.

იტალიის კანონდებლობის მიხედვით, ფაშისტური ჟესტების და სიმბოლოკის გამოყენება, დასჯადი ქმედებაა.