თორნიკე რიჟვაძის ინიციატივით ბავშვთა საქველმოქმედო ფონდ „იალქანს“ ფართი გადაეცა

აჭარის მთავრობის გადაწყვეტილებით, ფონდ "იალქანს", რომელიც წლებია რეგიონში ძალადობის მსხვერპლი მოზარდების, არასრულწლოვნების, უსახლკაროდ დარჩენილი ბავშვებისა საკითხებზე მუშაობს, ეფექტური ფუნქციონირებისთვის ფართი სარგებლობაში გადაეცა.

როგორც „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს, გადაწყვეტილების შესახებ აჭარის მთავრობის თავმჯდომარემ, თორნიკე რიჟვაძემ მთავრობის სხდომაზე განაცხადა.

„გვაქვს სასიამოვნო სიახლე. ყველა იცნობთ ფონდი „იალქანის“ საქმიანობას. წლების განმავლობაში ეს ფონდი დახმარებას უწევდა ასობით ბავშვს, როგორც სოციალურად დაუცველებს, ასევე ძალადობის მსხვერპლ ბავშვებს. მათ ჰქონდათ ძალიან მნიშვნელოვანი გამოწვევა ფართთან დაკავშირებით, ამიტომ ჩვენ მივიღეთ გადაწყვეტილება, რომ სარგებლობაში გადავცეთ შესაბამისი ფართი, რომელიც დაეხმარება ამ ფონდს კიდევ უფრო წარმატებით და ეფექტურად დაეხმაროს ბავშვებს და უფრო წარმატებით განახორციელოს მისი საქმიანობა და შეასრულოს მისი მანდატი.

ფონდი წლების განმავლობაში ეხმარება სოციალურად დაუცველ და ძალადობის მსხვერპლ ბავშვებს. ამ ხნის განმავლობაში ორგანიზაციამ ასობით ბავშვი ქუჩას ჩამოაშორა. ფონდი ჯანდაცვის სამინისტროს კრიზისული თავშესაფრის 24 საათიან პროგრამაშიც ჩაერთვება“, - განაცხადა რიჟვაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ