ივანე მაჭავარიანი - პროტესტი შეიძლება უჩნდება ადამიანს, მათ შორის ოპოზიციას, ეს ლეგიტიმურია - მერე როგორც ამჟღავნებს პროტესტს - ეს არ არის ლეგიტიმური

პროტესტი შეიძლება უჩნდება ადამიანს, მათ შორის ოპოზიციას, ეს ლეგიტიმურია. მერე როგორც ამჟღავნებს პროტესტს - ეს არ არის ლეგიტიმური. ეს უნდა განვასხვავოთ, - ამის შესახებ ფინანსთა მინისტრმა ივანე მაჭავარიანმა ჟურნალისტებთან საუბრისას განაცხადა.

მისი თქმით, ხელისუფლების მხრიდან კანონი არ დარღვეულა.

„არც ერთ შემთხვევაში არ არის დასაშვები არანაირი ტიპის კანონდარღვევა. ხელისუფლების მხრიდან კანონი არ დარღვეულა. თუ საკითხი არის იმაზე, რომ პირობა ვერ შესრულდა, ეს არც არავის არ დაუმალავს. ნაწილმა საერთოდ დატოვა უმრავლესობა, მეორე ნაწილმა გულის ტკივილი გამოთქვა, ვიღაცას ალბათ გაუხარდა კიდეც, მაგრამ არც ერთ შემთხვევაში კანონის დარღვევასთან კავშირი არ გვაქვს. საუბარი იმაზე, რომელი მოდელი სჯობს, მე მიკვირს, საერთოდ აბსურდულია. ისინი, ვინც ამ მოდელს ითხოვენ, პროპორციულ არჩევნებს ნულოვანი ბარიერით, ისინიც კი ხვდებიან, რომ ეს არ არის ყველაზე ეფექტური და საუკეთესო მოდელი მმართველობისთვის, თუმცა, რაც გუშინ ვთქვი, დღესაც გავიმეორებ, ეს იყო პოლიტიკური კონსენსუსის მიზნით და სიტუაციის განმუხტვის კუთხით გაკეთებული, რაც სამწუხაროდ ვერ შესრულდა.

შესაბამისად, აქ არის მორალური კომპონენტი, თუ მოსახლეობის ის ნაწილი, ვინც დღეს გარეთ არის და იჩემებენ, რომ საზოგადოების და მოსახლეობის უმრავლესობის დაკვეთაა პროპორციული, თუ ეს მართლა ასეა და მოხდა ამდენი ადამიანის იმედგაცრუება, ისინი ამას აუცილებლად ასახავენ საარჩევნო ყუთებთან. შესაბამისად, კანონის დარღვევა, პიკეტირება არანაირ ნორმებში არ ჯდება”,- განაცხადა მაჭავარიანმა.

რაც შეეხება სამართალდამცავების მხრიდან მოქალაქეებისთვის აქციაზე შეშის გამოყენების აკრძალვას, მაჭავარიანმა განაცხადა, რომ „თუ შეშაზე უკეთესი ალტერნატივა იყო შეთავაზებული, თავისთავად შეშა არის საბაბად გამოყენებული”.

„თუ გამათბობლის შეტანაა შესაძლებელი, თუ დენი შეგიძლია მიაწოდო, ე.ი. შეშა გასათბობად კი არა, რაღაც სხვა რამის გამო არის“, - განაცხადა მაჭავარიანმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა