ადვოკატი -  დაკავების ოქმში წერია, რომ ლაშა ჩხარტიშვილს  ხელში ეჭირა ლობიოს მარცვლები და აყარა ჰაერში -  ამის გამო დააკავეს

"ლებორისტული პარტიის" წევრის ლაშა ჩხარტიშვილის ადვოკატის ია სირანაშვილის განცხადებით, ჩხარტიშვილი იმის გამო დააკავეს, რომ “ხელში ლობიოს მარცვლები ეჭირა და ჰაერში აყარა”. მისივე თქმით, რაიმე დარღვევის ფაქტები ბრალდების მიერ წარმოდგენილ ვიდეომტკიცებულებაში არ ჩანს.

“დაკავების ოქმში წერია, რომ ლაშას ხელში ეჭირა ლობიოს მარცვლები და აყარა ჰაერში. ამის გამო დააკავეს. სხვა მეტი არაფერი არ ჩანს იმ ვიდეომტკიცებულებაში, რომელიც ჩვენ გადმოგვეცა”,- განაცხადა ადვოკატმა.

ჩხარტიშვილის ადვოკატი დღეს დაგეგმილ სასამართლო სხდომაზე პროცესის გადადების შუამდგომლობის დაყენებას აპირებს. მისი განცხადებით, ჩხარტიშვილის დაკავების შემდეგ მხოლოდ სამი საათი გავიდა, ამიტომ მტკიცებულებების მოპოვება ვერ შეძლო.

“რა თქმა უნდა, 3 საათის განმავლობაში ვერ მოხერხდებოდა ვერანაირი მტკიცებულებების მოპოვება. მეტი დრო ბატონმა მოსამართლემ არ მოგვცა. ახლაც დავაყენებ შუამდგომლობას, რომ იქნებ გადადოს სხდომა, რომ მტკიცებულებები წარვადგინო. რაც შეეხება ჯარიმას, გავასაჩივრებთ , რა თქმა უნდა. ჯარიმის დაწესება მოხდა მოსამართლის აცილებასთან დაკავშირებით შუამდგომლობის დაყენების დროს, თუ რატომ განიხილავდა ერთი მოსამართლე ყველა დაკავებულის საქმეს. ლაშამ თქვა, თუ გინდათ, გამაძევეთო და ამის გამო გააძევა მისამართლემ”,- განაცხადა ადვოკატმა.

შეგახსენებთ, რომ ლაშა ჩხარტიშვილი დღეს ეროვნულ ბიბლიოთეკასთან გამართულ აქციაზე დააკავეს. მას ადმინისტრაციული სამართალდარღვევათა კოდექსის 166-ე და 173-ე მუხლების დარღვევას ედავებიან. ლაშა ჩხარტიშვილი დღეს მოსამართლემ სასამართლო დარბაზიდან გააძევა და ჯარიმის სახით 300 ლარი დააკისრა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო