ქუთაისში, "ნაციონალური მოძრაობის" ოფისთან "ქართული ოცნების" წევრები და მხარდამჭერები ამ დრომდე რჩებიან, თუმცა ადგილზე დაძაბულობა და დაპირისპირება აღარ არის. "ქართული ოცნების" მხარდამჭერები „ნაციონალური მოძრაობის“ მისამართით მხოლოდ შეძახილებით შემოიფარგლებიან.
მათ "ნაციონალური მოძრაობის" ოფისისთვის კვერცხების და ცოცხების სროლის შემდეგ, ოფისის კარზე შეურაცხმყოფელი ტექსტები დაწერეს. „ქართული ოცნების“ მხარდამჭერები ჯერ დაშლას არ აპირებენ. ადგილზე მობილიზებულია პოლიცია.
შეგახსენებთ, რომ "ნაციონალური მოძრაობის" ოფისთან "ქართული ოცნების" მხარდამჭერები მივიდნენ და ოფისს ცოცხები და კვერცხები ესროლეს, რასაც ფიზიკური დაპირისპირება მოჰყვა.