ბათუმში, ვაჟა-ფშაველას ქუჩაზე ახალი სანიაღვრე და წყალარინების სისტემის მოწყობა დაიგეგმა. ამის შესახებ, ,,ინტერპრესნიუსს'' ,,ბათუმის წყლის'' პრესცენტრიდან აცნობეს.
,,ბათუმის წყლის'' გენარალური დირექტორის, მარიკა გვიანიძის განცხადებით, შედეგად ამ მონაკვეთზე მცხოვრები ოჯახები ახალ წყალარინების და სანიაღვრე სისტემაზე გადაერთვება. ახალი წყალარინებისა და სანიაღვრე სისტემის რეაბილიტაციის დაგეგმვის პროცესს ბათუმის ვიცე-მერი ჯაბა ტუღუში და ,,ბათუმის წყლის'' გენერალური დირექტორი მარიკა გვიანიძე ადგილზე გაეცნენ.
,,რეაბილიტაციის ფარგლებში, დაახლოებით, 50 მეტრზე მეტი ცენტრალური ახალი წყალარინების ქსელი მოეწყობა, რომელზეც 15 აბონენტი გადაერთვება. წლების მანძილზე ვაჟა ფშაველას ქუჩის ამ მონაკვეთზე, მიწისქვეშ არსებული დაზიანებული ქსელები გზასაც აზიანებდა, რაც დიდი დისკომფორტი იყო მოსახლეობისთვის'', - აცხადებს გვიანიძე.