ზვიად შალამბერიძემ თერჯოლის მუნიციპალიტეტში მიმდინარე ინფრასტრუქტურული პროექტები დაათვალიერა

სახელმწიფო რწმუნებულმა ზვიად შალამბერიძემ იმერეთის რეგიონში ინფრასტრუქტურული პროექტების მონიტორინგის ფარგლებში თერჯოლის მუნიციპალიტეტის მერთან ბონდო სოფრომაძესთან ერთად, მუნიციპალიტეტში მიმდინარე ინფრასტრუქტურული პროექტები დაათვალიერა.

სახელმწიფო რწმუნებულის აპარატის ინფორმაციით, დასრულების ეტაპზეა თერჯოლის ცენტრში სსიპ საგანგებო სიტუაციების კოორდინაციისა და სასწრაფო სამედიცინო დახმარების რაიონული სამსახურის ოფისის მშენებლობა. საერთაშორისო სტანდარტების შესაბამისი შენობა, რომელზეც 233 000 ლარი დაიხარჯება, მოქალაქეთა მომსახურეობის ხარისხს საგრძნობლად გააუმჯობესებს.

მუნიციპალიტეტში, ასევე ფინალურ ფაზაშია სოფელ ძევრის კეთილმოწყობა. ამჟამად მიმდინარეობს მრავალბინიანი საცხოვრებელი სახლებისათვის სხვადასხვა ტიპის სარემონტო სამუშაოები, მათ შორის, ფასადებისა და სახურავების შეკეთება. გარდა ამისა, პროექტის ფარგლებში რეაბილიტირდა შადრევანი და სკვერი, დაიგო ასფალტის გზა, მოეწყო სანიაღვრე არხები, ბორდიურები, შეიცვალა ტროტუარი და წყლის მილები.

საერთო ჯამში პროექტის განსახორციელებლად 658 000 ლარი დაიხარჯა.

მიმდინარე წელს თერჯოლის მუნიციპალიტეტში 170 ინფრასტრუქტურული პროექტი განხორციელდა. მათ შორის, მუნიციპალიტეტის ყველაზე მაღალმთიან სოფელში აშენდა ახალი საბავშვო ბაღი და რეაბილიტირდა 15 საჯარო სკოლა. ასევე, კეთილმოეწყო 5 ამბულატორია.

სულ მუნიციპალიტეტში სხვადასხვა ტიპის ინფრასტრუქტურის მოსაწყობად 6 მლნ 300 ათასი ლარი დაიხარჯა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს