ბორჯომის მუნიციპალიტეტის სოფელ დვირში ახლად აშენებული საბავშვო ბაღი გაიხსნა,- ამის შესახებ „ინტერპრესნიუსს“ ბორჯომის მუნიციპალიტეტიდან აცნობეს.
მათივე ცნობით, ბაღი სამცხე-ჯავახეთის სახელმწიფო რწმუნებულმა ბესიკ ამირანაშვილმა და ბორჯომის მუნიციპალიტეტის მერმა, აღსაზრდელებთან ერთად გახსნეს.
გახსნის ცერემონიას, ბორჯომის მუნიციპალიტეტის საკრებულოს თავმჯდომარე გიორგი გოგიჩაიშვილი, სამხარეო ადმინისტრაციის, ბორჯომის მუნიციპალიტეტის მერიისა და საკრებულოს წარმომადგენლები და ადგილობრივები დაესწრნენ.
სოფელში, ბაღი 2 ათეული წელია აღარ ფუნქციონირებდა, რის გამოც ადგილობრივებს ბავშვების ტარება ქალაქის ბაღებში უწევდათ. დღეს კი 3 სოფელში: დვირში, ქვაბისხევსა და ჩითახევში უახლესი სტანდარტების მქონე ბაღი ფუნქციონირებს.
დვირის საბავშვო ბაღი 50 აღსაზრდელზეა გათვლილი და მშენებლობის ხარისხითა და აღჭურვილობით ერთ- ერთი გამორჩეული ობიექტია რეგიონში.
ბაღში 14 ადგილობრივი დასაქმდა.
სამშენებლო სამუშაოები და შენობის კეთილმოწყობა ბორჯომის მუნიციპალიტეტის ბიუჯეტიდან დაფინანსდა.