რუსთავში, სავარაუდოდ, ბუნებრივი აირის ნამწვით ინტოქსიკაცია ორმა ადამიანმა მიიღო. შემთხვევა მე-7-ე მიკრო რაიონში, ერთ-ერთ საცხოვრებელ კორპუსში მოხდა. ადგილზე მობილიზებული იყო საპატრული პოლიცია და სასწრაფო სამედიცინო დახმარების ბრიგადა.

შუახნის მამაკაცს სამედიცინო დახმარება ადგილზე გაუწიეს, ქალი კი ინტოქსიკაციის კლინიკური ნიშნებით, რუსთავის ცენტრალურ საავადმყოფოში გადაიყვანეს.

წინასწარი ინფორმაციით, საცხოვრებელ ბინაში co-ს გაჟონვის მიზეზი, ტექნიკური ნორმების დარღვევით დამონტაჟებული გაზდანადგარი გახდა.