პოლონეთში მოსამართლეთა მხარდასაჭერად, მასშტაბური ანტი-სამთავრობო აქცია გაიმართა

ათასობით ადამიანმა პოლონეთის სხვადასხვა ქალაქში საპროტესტო აქციები გამართეს. აქციები იმ მოსამართლეთა მხარდასაჭერად გაიმართა, რომლებიც დემონსტრანტების თქმით, მთავრობის ზეწოლას განიცდიან.

მედიის ინფორმაციით, ევროკავშირის დროშებით მომიტინგეები სკანდირებდნენ „სოლიდარობა მოსამართლეებს“. ყველაზე მასშტაბური აქცია ვარშავაში, იუსტიციის სამინისტროს წინ გაიმართა.

ერთ-ერთი მოსამართლე, პაველ ჯუჟციჟინი, რომელიც თანამდებობიდან გასულ კვირას გათავისუფლდა, კითხვის ნიშნის ქვეშ აყენებს ახალი მოსამართლეების დანიშვნის წესს, რომელსაც პოლონეთის იუსტიციის ეროვნული საბჭო ახორციელებს.

„მე მოვუწოდებ ჩემს მოსამართლეებს, ნუ მისცემთ თქვენი დაშინების საშუალებას. იყავით მამაცები და დამოუკიდებლები“,-განაცხადა მოსამართლემ.

2015 წელს ხელისუფლებაში მოსვლის შემდეგ, პოლონეთის კანონისა და სამართლიანობის პარტიამ ფართო სასამართლო ცვლილებები განახორციელა, მათ შორის შეიცვალა მოსამართლეთა დანიშვნის წესები. ამ რეფორმამ ქვეყნის შიგნით საპროტესტო მუხტი გამოიწვია. აღნიშნული რეფორმები მკაცრად გააკრიტიკა ევროკავშირმაც, რომელმაც პოლონეთის მთავრობა სასამართლო დამოუკიდებლობისთვის ძირის გამოთხრაში დაადანაშაულა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა