BAG-ის აღმასრულებელი დირექტორის მოადგილე პარიზში, საფრანგეთის ბიზნეს კონფედერაციის საერთაშორისო ორგანიზაცია MEDEF International-ის ორგანიზებულ ფორუმს დაესწრო

საქართველოს ბიზნეს ასოციაციის (BAG) აღმასრულებელი დირექტორის მოადგილე, ნანა ცერცვაძე პოლიტიკური დიალოგის პლატფორმის ფარგლებში პარიზში საფრანგეთის ბიზნეს კონფედერაციის საერთაშორისო ორგანიზაცია MEDEF International-ის ორგანიზებულ ბიზნეს ფორუმს დაესწრო.

საქართველოს ბიზნეს ასოციაციის ინფორმაციით, შეხვედრას, რომელიც ქართულ-ფრანგულ თანამშრომლობას და ერთობლივი პროექტების განხილვას დაეთმო, ესწრებოდნენ საქართველოს ეკონომიკისა და მდგრადი განვითარების, გარემოს დაცვისა და სოფლის მეურნეობის, რეგიონული განვითარებისა და ინფრაქსტუქტურის სამინისტროს წარმომადგენლები.

აღნიშნულ შეხვედრაზე კერძო სექტორს წარმოადგენდა საქართველოს ბიზნეს ასოციაცია. ნანა ცერცვაძემ ფრანგულ მხარეს დეტალურად უამბო საქართველოში არსებული ბიზნესგარემოსა და ბიზნესის განვითარების შესახებ, ასევე ისაუბრა BAG-ის როლსა და ჩართულობაზე აღნიშნულ პროცესში.

„ჩვენთვის მნიშვნელოვანია საერთაშორისო პარტნიორებთან ურთიერთობის კიდევ უფრო გაძლიერება, რადგან ეფექტიანად დავეხმაროთ BAG-ის წევრ კომპანიებს მათთვის საინტერესო საერთაშორისო პროექტებში ჩართვასა და პარტნიორების მოძიებაში“ ,- განაცხადა ნანა ცერცვაძემ.

ამასთან, შეხვედრას ესწრებოდა 20-მდე ფრანგული კომპანიის წარმომადგენელი. მათი მხრიდან განსაკუთრებული ინტერესი გამოითქვა ერთობლივი პროექტებისა და საინვესტიციო შესაძლებლობების შესახებ ტურიზმის, განსაკუთრებით მთის კურორტების, სოფლის მეურნეობისა და კვების მრეწველობის, ასევე ტელეკომუნიკაციების მიმართულებით.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა