ირაკლი კობახიძე „ქართული ოცნების" ყოფილი დეპუტატების მიერ შექმნილ ფრაქციაზე - ამ ფრაქციის წევრთა უმრავლესობას პოლიტიკაში წარმატებას ვერ ვუსურვებ

ამ ფრაქციის წევრთა უმრავლესობას პოლიტიკაში წარმატებას ვერ ვუსურვებ, - ამის შესახებ პარლამენტის ყოფილმა თავმჯდომარემ, ირაკლი კობახიძემ ჟურნალისტებს „ქართული ოცნებიდან" წასული დეპუტატების მიერ შექმნილ ფრაქციაზე საუბრისას განუცხადა.

მისი თქმით, მათ მორალური ფასეულობები არ გააჩნიათ.

„ყველაზე არ ვიტყვი, მაგრამ ამ ფრაქციის წევრთა უმრავლესობას ბუნებრივია წარმატებას ვერ ვუსურვებ პოლიტიკაში მარტივი მიზეზის გამო - მათ არ აქვთ მორალური ფასეულობები, მათ ამ პერიოდის განმავლობაში ისეთი რაღაცები აქვთ ნაკეთები, რომ სრულიად აცდენილები არიან“, - განაცხადა კობახიძემ.

შეგახსენებთ, რომ პარლამენტში ახალი ფრაქცია „დამოუკიდებელი დეპუტატები" იქმნება. ფრაქციას 6 დეპუტატი ქმნის და მისი ხელმძღვანელი უმრავლესობიდან წასული მარიამ ჯაში იქნება. ფრაქციის შემადგენლობაში იქნებიან: მარიამ ჯაში, ლევან გოგიჩაიშვილი, გედევან ფოფხაძე, კობა ნარჩემაშვილი, ზვიად კვაჭანტირაძე და ლევან კობერიძე.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს