ექიმის ინფორმაციით, მოძრაობა „გაბედეს“ 2 წევრს ქალა-ტვინის დახურული ტრავმა აღენიშნება

მცხეთის კლინიკა "ჯეო ჰოსპიტალსის" მიმღები განყოფილების ექიმის თეა მესხიძის განცხადებით, მცხეთის მერიასთან დაშავებული ორივე პაციენტი თავის ტკივილს, თავბრუსხვევას და სისუსტეს უჩივის. მისივე თქმით, დაშავებულებს აღენიშნებათ ექსკორიაციები სახისა და თავის არეში.

"ორი მამაკაცი შემოყვანილია მიმღებ განყოფილებაში „112“-ის მიერ, დიაგნოზით ქალა- ტვინის დახურული ტრავმა. ამ ეტაპზე მდგომარეობა არის საშუალო სიმძიმის, უტარდება შესაბამისი კლინიკურ-დიაგნოსტოკური გამოკვლევები. ამ დიაგნოსტიკის შემდეგ შევძლებ სრულყოფილად ინფორმაციის მოწოდებას. ამ ეტაპზე პაციენტების მდგომარეობა სტაბილურია. ორივე თავის ტკივილს, თავბრუსხვევას და სისუსტეს უჩივის. აღენიშნებათ ექსკორიაციები სახის და თავის არეში. მიმდინარეობს შესაბამისი მონიტორინგი. ჯერჯერობით ბოლომდე არ არიან გამოკვლეულები. ერთს აქვს დაზიანებები ყვრიმალის და შუბლის არეში, მეორეს ტუჩის არეში", - განაცხადა ექიმმა.

მისი თქმით, კლინიკური დიაგნოსტიკური კვლევების შემდეგ გადაწყდება, დაშავებულებს მოუწევთ თუ არა დღეს კლინიკაში დარჩენა.

ცნობისთვის, მოძრაობა „გაბედეს“ წევრებსა და ადგილობრივ მოსახლეობას შორის მომხდარი დაპირისპირების შედეგად, რამდენიმე ადამიანი დაშავდა, მათ შორის ორი საავადმყოფოშია გადაყვანილი.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში