ადვოკატის ინფორმაციით, პანკისში მომხდარი მკვლელობის საქმეზე დაკავებულებიდან ერთ-ერთი, არბი ქავთარაშვილი ბრალს აღიარებს

პანკისის ხეობაში დაპირისპირებისას მომხდარი მკვლელობის საქმეზე დაკავებულ არბი ქავთარაშვილსა და რუსლან ხანგოშვილს, ბრალი ოფიციალურად წარუდგინეს.

ორივე მათგანი შსს-ს კახეთის სამხარეო დეპარტამენტის, წინასწარი დაკავების იზოლატორშია მოთავსებული. უფლებადამცველის ელენე ქიშმარიას თქმით, მისი დაცვის ქვეშ მყოფების წინააღმდეგ გამოძიებამ განსაკუთრებით მძიმე მუხლებით იხელმძღვანელა.

საგამოძიებო უწყება, 22 წლის არბი ქავთარაშვილს, 37 წლის ვისური მუთოშვილის განზრახ მკვლელობას და ცეცხლსასროლი იარაღის და საბრძოლო მასალის შეძენა შენახვას ედავება. რაც შეეხება 27 წლის რამაზ ხანგოშვილს, მის წინააღმდეგ გამოძიება განზრახ მკვლელობის მცდელობის მუხლით მიმდინარეობს.

"არბი ქავთარაშვილი სრულად აღიარებს ბრალს და თავს დამნაშავედ ცნობს. რაც შეეხება რამაზს, შევჯერდებით საბოლოო ვერსიაზე, საქმის მასალების გაცნობის შემდეგ", - განაცხადა ელენე ქიშმარიამ.

ცნობისთვის, დაპირისპირება პანკისის ხეობაში 27 ნოემბერს მოხდა. ორმხრივი სროლის შედეგად 37 წლის ვისო მუთოშვილი გარდაიცვალა, ორი მამაკაცი კი მძიმედ დაიჭრა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში