ტაიფუნის გამო, ფილიპინების რეგიონებიდან დაახლოებით 200 000 ადამიანის ევაკუაცია განხორციელდა. დახურულია ქვეყნის მთავარი საერთაშორისო აეროპორტი.

ტაიფუნი „კამური“, რომელიც მიმდინარე წელს ქვეყანაში მეოცე ტაიფუნია, ლუზონის კუნძულს თავს დაატყდა.

ფილიპინების კატასტროფის სააგენტოს ცნობით, ტაიფუნის მასშტაბებიდან გამომდინარე, გადაწყვეტილება მიიღეს, რომ დაუყოვნებლივ განხორციელებულიყო 200 000 ადამიანის ევაკუაცია.

აკრძალულია ფილიპინების საზღვაო წყლებში შესვლა. ათობით სატვირთო ხომალდი და ათასობით ტურისტი ტაიფუნის გადავლას ელოდება.

იხილეთ ვიდეო: ფილიპინებში 200 000 ადამიანის ევაკუაცია განხორციელდა