ქობულეთის საკრებულოში „ერთიანი ნაციონალური მოძრაობის" წევრის, ბონდო თედორაძის განცხადებით, საკრებულოს შენობასთან „ქართული ოცნების" აქტივისტები არიან მობილიზებული და პროვოკაციის მოწყობას გეგმავენ.
მისი თქმით, „ნაციონალური მოძრაობის“ წევრებს შენობაში შესვლის შესაძლებლობა არ ეძლევათ.
„შენობასთან ზონდერ ჯგუფები არიან მობილიზებული, რომელსაც ქობულეთის მერი, მირიან ქათამაძე ხელმძღვანელობს. ჩვენ ვერ შევდივართ შენობაში, რადგან არ გვეძლევა შესაძლებლობა ამის. მოვიდნენ სამართალდამცავები და გაგვაფრთხილეს, რომ შენობას არ მივუახლოვდეთ“, - განაცხადა ბონდო თედორაძემ.
ქობულეთის საკრებულოს შენობასთან სამართალდამცავები არიან მობილიზებული.