„სინერჯი კაპიტალმა“ „ჯი.ვინოს“ 40% შეიძინა
საინვესტიციო კომპანია „სინერჯი კაპიტალმა“ ნატურალური ღვინისა და არტიზანული სამზარეულოს ბარის „ჯი.ვინოს“ 40% შეისყიდა.
„სინერჯი კაპიტალის“ ინფორმაციით, „ჯი. ვინოს“ აქვს გამორჩეული ქართველი მეღვინეების წარმოჩენის და გაცნობის განსაკუთრებული მისია როგორც ქვეყნის შიგნით, ისე მის ფარგლებს გარეთ.
„აქ შეხვდებით მხოლოდ იშვიათ, ნატურალურ ქართულ ღვინოებს, თავისი ისტორიით და მეღვინეების განსაკუთრებული ხასიათით და არტიზანულ სტილში დამზადებულ ტრადიციულ კერძებს.
„ჯი. ვინო“ უკვე 4 წელია ბაზარზეა და დღეს ერეკლე II-ის ქუჩაზე ერთი ბარითაა წარმოდგენილი. „სინერჯი კაპიტალთან“ ერთად დაგეგმილია ქსელის გაფართოება თბილისში, ქვეყნის დიდ ქალაქებში და საზღვარგარეთ, რისი სტრატეგიაც უკვე განსაზღვრულია.
საინვესტიციო კომპანია „სინერჯი კაპიტალისთვის“ ეს კომპანიის შეძენის მე-11 ტრანზაქციაა“, - ნათქვამია ინფორმაციაში.
