სიღნაღის მუნიციპალიტეტში მკვლელობა მოხდა. „ინტერპრესნიუსის" ინფორმაციით, სოფელ ნუკრიანში სიძემ სიმამრი სანადირო თოფიდან რამდენიმე გასროლით მოკლა.

ადგილობრივების ინფორმაციით, ბრალდებული მეუღლეზე ძალადობდა, რის გამოც სიძესა და სიმამრს შორის ამ მოტივით უთანხმოება ხშირად იყო.

შსს-ს ინფორმაციით, მკვლელობაში ბრალდებულის სამძებრო სამუშაოები ინტენსიურად მიმდინარეობს. გამოძიება განზრახ მკვლელობის მუხლით დაიწყო.