ზვიად შალამბერიძემ ვანში მიმდინარე ინფრასტრუქტურული პროექტები დაათვალიერა

სახელმწიფო რწმუნებულმა იმერეთის მხარეში ზვიად შალამბერიძემ და მოადგილემ ბესიკ გოფოძემ, ინფრასტრუქტურული პროექტების მონიტორინგის ფარგლებში, ვანის მუნიციპალიტეტის მერთან ალექსანდრე გოგორიშვილთან ერთად, მიმდინარე ინფრასტრუქტურული პროექტები დაათვალიერეს.

იმერეთის მხარეში სახელმწიფო რწმუნებულის პრესსამსახურის ინფორმაციით, რეგიონისა და ადგილობრივი ხელისუფლების წარმომადგენლები, სოფელ ტობანიერში, სტიქიის პრევენციის პროგრამის ფარგლებში, ხევის მეწყრული კერის რეგულირების სამუშაოებს გაეცნენ. პროექტის ღირებულება 91 999 ლარს შეადგენს. გარდა ამისა, მშენებარე ამბულატორია დაათვალიერეს. ჯანმრთელობისთვის უსაფრთხო გარემოს უზრუნველყოფის პროგრამის ფარგლებში, მუნიციპალიტეტის მასშტაბით, სულ ხუთი ამბულატორია რემონტდება. აღნიშნული პროექტების ჯამური ღირებულება 102 495 ლარია.

„სამთავრობო გუნდი, ასევე ვანის მუნიციპალიტეტში ყველაზე მასშტაბური, არქეოლოგიური მუზეუმის რეაბილიტაციის პროცესს გაეცნო. პროექტს, რომლის ღირებულება 14 მილიონ ლარს შეადგენს, რეგიონალური განვითარებისა და ინფრასტრუქტურის სამინისტრო ახორციელებს. შიდა სამუშაოები უკვე დასრულების ფაზაშია, ამ ეტაპზე შენობის ინვენტარით აღჭურვა და მუზეუმამდე მისასვლელი გზის მშენებლობა მიმდინარეობს“, - ნათქვამია ინფორმაციაში.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს