საფრანგეთის ფინანსთა მინისტრი - თუ ამერიკა ახალ სანქციებს დაგვიწესებს, ევროკავშირი საპასუხო ზომებს მიიღებს

საფრანგეთის ფინანსთა მინისტრის განცხადებით, თუ ამერიკა ახალ სანქციებს დაგვიწესებს, ევროკავშირი საპასუხო ზომებს მიიღებს. საფრანგეთის ფინანსთა მინისტრის ბრუნო ლე მერის განცხადებით, აშშ-ის გადაწყვეტილება საფრანგეთიდან იმპორტირებულ საქონელზე ტარიფების 100 პროცენტამდე გაზრის შესახებ „მიუღებელია“ და საფრანგეთი და ევროკავშირი საპასუხო ზომების გასატარებლად მზად არიან.

„იმ შემთხვევაში, თუ ამერიკა ახალ სანქციებს დაგვიწესებს, ევროკავშირი საპასუხო ზომებს გაატარებს“, - განაცხადა ბრუნო ლე მერიმ.

საფრანგეთის უმცროსი ეკონომიკის მინისტრის აგნეს პანიერ რუნაშერის თქმით კი, საფრანგეთი ამ საკითხზე აშშ-სთან დაპირისპირებისთვის მზადაა და არ აპირებს, ციფრული სერვისების დაბეგვრასთან დაკავშირებულ გეგმებს გადახედოს.

აშშ-ის ხელისუფლებამ განაცხადა, რომ საფრანგეთიდან იმპორტირებულ 2.4 მილიარდი აშშ დოლარის ღირებულების საქონელზე ტარიფს 100 პროცენტამდე გაზრდის. გაზრდილი ტარიფები შეეხება საფრანგეთიდან იმპორტირებულ შამპანურს, ხელჩანთებს, ყველა და სხვა პროდუქტებს.

ამ ნაბიჯით აშშ პასუხობს საფრანგეთის მიერ ციფრულ სერვისებზე დაწესებულ გადასახადს.

აშშ-ის სავაჭრო წარმომადგენლობის ოფისი აცხადებს, რომ საფრანგეთის მიერ დაწესებული ბეგარა, რომელიც საერთაშორისო საგადასახადო პრინციპებსა და პოლიტიკასთან სრულ შეუსაბამობაშია, აზარალებს ამერიკულ კომპანიებს, მათ შორის Alphabet Inc’s Google (GOOGL.O)-ს, Facebook Inc (FB.O)-ს, Apple Inc (AAPL.O)-სა და Amazon.com Inc (AMZN.O)-ს.

საფრანგეთმა მიიღო კანონი, რომლითაც ციფრულ სერვისებს 3%-იანი ბეგარა დაუწესა. კანონი ეხებათ იმ კომპანიებს, რომელთა შემოსავალიც საფრანგეთში 25 მილიონ ევროზე მეტი, ხოლო მსოფლიო მასშტაბით - 750 მილიონი ევროა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება