დონალდ ტრამპი ჯონსონზე - ბორისი ძალიან ნიჭიერია და ის თავის საქმეს კარგად გააკეთებს

აშშ-ის პრეზიდენტი დონალდ ტრამპი აცხადებს, რომ მას არს სურს დიდი ბრიტანეთის არჩევნებში ჩარევა, თუმცა ფიქრობს, რომ პრემიერ-მინისტრი ბორის ჯონსონი ძალიან ნიჭიერია და ის თავის საქმეს კარგად გააკეთებს.

„ვფიქრობ, ბორისი ძალიან ნიჭიერია და ის თავის საქმეს კარგად გააკეთებს,“- განაცხადა ტრამპმა ლონდონში, სადაც ის ნატო-ს 70-ე წლისთავთან დაკავშირებულ ღონისძიებაზე დასასწრებლად ჩავიდა.

დონალდ ტრამპმა „ბრექსითის“ მიმართ მხარდაჭერაც გამოხატა, რომელიც ბორის ჯონსონის საარჩევნო კამპანიის მთავარი ელემენტია.

შეგახსენებთ, რამდენიმე დღის წინ დიდი ბრიტანეთის პრემიერ-მინისტრმა ბორის ჯონსონმა ტრამპს მოუწოდა, ლონდონში ვიზიტის დროს ბრიტანეთის არჩევნებში ჩარევისგან თავი შეეკავებინა.

დიდ ბრიტანეთში ვადამდელი საპარლამენტო არჩევნები 12 დეკემბერს არის დაგეგმილი.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია