პანკისის ხეობაში მომხდარი მკვლელობის საქმეზე დაკავებულ 2 პირს პატიმრობა შეეფარდა

პანკისის ხეობაში მომხდარი მკვლელობის საქმეზე დაკავებულ არბი ქავთარაშვილს და რუსლან ხანგოშვილს აღკვეთის ღონისძიების სახით პატიმრობა შეეფარდათ.

თელავის რაიონულ სასამართლოს მოსამართლე მამუკა წიკლაურმა სრულად გაითვალისწინა სახელმწიფო ბრალდების მოთხოვნა და ორივე დაკავებული პატიმრობაში დატოვა.

ადვოკატი არბი ქავთარაშვილისა და რამაზ ხანგოშვილის მიმალვის და მტკიცებულებების განადგურების ნაწილში პროკურორს არ დაეთანხმა.

პროცესს ორივე ბრალდებული ესწრებოდა, სადაც დაკავებულმა არბი ქავთარაშვილმა განაცხადა, რომ წარდგენილ ბრალდებას ეთანხმება და თავს დამნაშავედ სცნობს.

"ჩემს მიმართ წარდგენილ ბრალდებას სრულად ვეთანხმები და თავს დამნაშავედ ვცნობ", - აღნიშა ქავთარაშვილმა.

მომდევნო სასამართლო სხდომა 22 იანვარს, 13:00 საათზე დაინიშნა.

შეგახსენებთ, რომ პანკისის ხეობაში დაპირისპირება 27 ნოემბერს მოხდა. ორმხრივი სროლის შედეგად 37 წლის ვისო მუთოშვილი გარდაიცვალა, ორი მამაკაცი კი მძიმედ დაიჭრა. საქმეზე გამოძიება სისხლის სამართლის კოდექსის 108-ე და 236-ე მუხლების კვალიფიკაციით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება