ზესტაფონში შეზღუდული შესაძლებლობის მქონე პირთა საერთაშორისო დღე აღნიშნეს

ბავშვთა სარეაბილიტაციო ცენტრის, „ორიონის“ ორგანიზებით, ზესტაფონში შეზღუდული შესაძლებლობის მქონე პირთა საერთაშორისო დღე აღნიშნეს, რომელსაც მუნიციპალიტეტის მერიაც შეუერთდა. ამის შესახებ „ინტერპრესნიუსს“ ზესტაფონის მუნიციპალიტეტიდან აცნობეს.

მათი ინფორმაციით, შშმ პირთა დღისადმი მიძღვნილი ღონისძიება ქალაქის ცენტრალურ ქუჩაზე მსვლელობით დაიწყო. მსვლელობაში მონაწილეობას ზესტაფონის მერის მოადგილე, ელგუჯა კვეტენაძე, საკრებულოს თავმჯდომარე, ვახტანგ ღამბაშიძე და სხვადასხვა საჯარო სკოლის მოსწავლეები იღებდნენ.

ღონისძიების მონაწილეთა მთავარი სლოგანი იყო - „მე არ ვცნობ შეზღუდვებს, ვირჩევ თანაბარ შესაძლებლობებს“ .

მსვლელობა ცენტრალურ მოედანზე დასრულდა. „ორიონელებმა“ შეკრებილი საზოგადოების წინაშე საკუთარი შემოქმედებიდან მუსიკალური ნომრები წარადგინეს და ერთად შეასრულეს სიმღერა „ჩვენ ერთად ყველაფერს შევძლებთ“.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს