„ახალი საქართველო“ - გიორგი ვაშაძემ მცხეთაში შეკრებილ „ქართული ოცნების“ აქტივისტებს ჰიმნის შესრულება შესთავაზა, რაზეც უარი მიიღო

მცხეთაში შეკრებილ მოქალაქეებს, რომლებიც „ქართულმა ოცნებამ“ მშვიდობიან აქტივისტებს წინააღმდეგობის გაწევის მიზნით დაახვედრა, „ახალი საქართველოს" ლიდერმა სიტყვით მიმართა, - ამის შესახებ ნათქვამია პარტია „ახალი საქართველოს“ მიერ გავრცელებულ ინფორმაციაში.

როგორც პარტიის მიერ გავრცელებულ ინფორმაციაშია აღნიშნული, გიორგი ვაშაძემ, მათ ჰიმნის ერთობლივი შესრულება შესთავაზა, თუმცა მათი მხრიდან უარი მიიღო.

„მოვუწოდებ ყველა აქ შეკრებილ მოქალაქეს, ერთად შევასრულოთ საქართველოს ჰიმნი. ერთად გავაპროტესტოთ, ოკუპანტების მიერ ქართველი ექიმის, ვაჟა გაფრინდაშვილის გატაცება. მოგიწოდებთ, რომ გავერთიანდეთ ჩვენი ქვეყნის აღმშენებლობისთვის. მშვიდობიანი არაძალადობრივი პროტესტი გრძელდება. გუშინდელ აგრესიას ჩვენ მშვიდობიანი მსვლელობით ვპასუხობთ. სწორედ ამაშია ძალა. მათ დესტრუქციულ, მართლაც თავზეხელაღებულ, კანონგარეშე ქმედებას, ჩვენ კანონის შესაბამისად, მშვიდობიანი მსვლელობით ვპასუხობთ. ვერც ერთ შემთხვევაში, ჩვენ ისინი ვერ გამოგვიწვევენ დაპირისპირებაში. ისინი უბრალოდ აჩვენებენ თავის რეალურ სახეს. ვისთან გვაქვს საქმე - ადამიანებთან, რომლებიც ჩაბღაუჭებულები არიან თავიანთ თანამდებობას და იმის იქით ვერაფერს ვერ ხედავენ. ჩვენ კი ჩვენი ქვეყანა გვიყვარს და არც ერთ შემთხვევაში, საქართველოს არც ერთ მოქალაქეს არ ვაკადრებთ იმას, რომ ხელი შეუბრუნონ ამ მართლაც თავზეხელაღებულ ადამიანებს. პირდაპირ გეუბნებით, დამარტყამენ ხელს ? მე ხელის შებრუნებას არ ვაპირებ“, - განაცხადა გიორგი ვაშაძემ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება