ზუგდიდის სკეიტ პარკის მიმდებარედ მოქალაქეები იკრიბებიან. მათი ნაწიკი პარკთან მისვლის მიზეზს არ ასახელებს, ნაწილი კი აცხადებს, რომ ადგილზე "ნაციონალური მოძრაობის" წინააღმდეგ შეიკრიბნენ. პარკთან იმყოფებიან ზუგდიდის სოფლის რწმუნებულები. ზოგიერთი მათგანის თქმით, იუსტიციის სახლში იმყოფებოდა და „აქ მხოლოდ შეკრებილ მეგობრებს მიესალმა“, სოფელ შამგონოს წარმომადგენლის, ზაზა ხუბუას განცხადებით კი, „მოქალაქეების პროტესტს უერთდება“.

"არ მოგვწონს ის, რასაც აკეთებს ოპოზიცია. მოვუწოდებთ მოსახლეობას, „ნაცმოძრაობას“ არ დაუჭირონ მხარი. ამისთვის შევიკრიბეთ. თავად გადავწყვიტეთ აქ შეკრება და გვინდა, რომ ჩვენი გულისტკივილი გამოვხატოთ. აქ არის ჩვენი სამეგობრო. ადრეც გვინდოდა შეკრება და ძალიან ცუდია, რომ ვერ მოვახერხეთ", - განაცხადა ხუბუამ.

„ნაციონალური მოძრაობის“ ინფორმაციით, სკეიტ პარკთან შეკრებილები "ქართული ოცნების" მხარდამჭერები არიან, რომლებიც მსვლელობის გამართვას გეგმავენ.