ზუგდიდში, აქციის მონაწილეები მსვლელობას მართავენ და სკანდირებენ „არა ნაცებს“, „ არა მიშას“. შეგახსენებთ, რომ ზუგდიდის სკეიტ პარკის მიმდებარედ მოქალაქეები შეიკრიბნენ. მათი ნაწილი პარკთან მისვლის მიზეზს არ ასახელებდა, ნაწილი კი აცხადებდა, რომ ადგილზე "ნაციონალური მოძრაობის" წინააღმდეგ შეიკრიბნენ.

პარკთან იმყოფებოდნენ ზუგდიდის მუნიციპალიტეტის სოფლების რწმუნებულები. ზოგიერთი მათგანის თქმით, იუსტიციის სახლში იმყოფებოდა და „აქ მხოლოდ შეკრებილ მეგობრებს მიესალმა“, სოფელ შამგონოს წარმომადგენლის, ზაზა ხუბუას განცხადებით კი, „მოქალაქეების პროტესტს უერთდება“.

"არ მოგვწონს ის, რასაც აკეთებს ოპოზიცია. მოვუწოდებთ მოსახლეობას, „ნაცმოძრაობას“ არ დაუჭირონ მხარი. ამისთვის შევიკრიბეთ. თავად გადავწყვიტეთ აქ შეკრება და გვინდა, რომ ჩვენი გულისტკივილი გამოვხატოთ. აქ არის ჩვენი სამეგობრო. ადრეც გვინდოდა შეკრება და ძალიან ცუდია, რომ ვერ მოვახერხეთ", - განაცხადა ხუბუამ.