გორში შშმ პირთა საერთაშორისო დღე აღინიშნა

შეზღუდული შესაძლებლობის მქონე პირთა საერთაშორისო დღე გორის მუნიციპალიტეტის მერმა კონსტანტინე თავზარაშვილმა და შიდა ქართლის სახელმწიფო რწმუნებულმა გიორგი ხოჯევანიშვილმა კეთილდღეობისა და განვითარების ცენტრში აღნიშნეს. ამის შესახებ „ინტერპრესნიუსს“ გორის მუნიციპალიტეტიდან აცნობეს. მათ ცენტრის ბენეფიციარებს ტორტი და ტკბილეული მიუტანეს.

,,დღეს შეზღუდული შესაძლებლობის მქონე პირთა საერთაშორისო დღე მივულოცეთ ცენტრის აღსაზრდელებს, მაგრამ ჩვენი ყურადღება მათ მიმართ მხოლოდ დღევანდელი დღით არ შემოიფარგლება. გორის მერია არაერთ პროექტს ახორციელებს იმისთვის, რომ შშმ პირებს ცხოვრების ღირსეული პირობები ჰქონდეთ, შეეძლოთ ადაპტირებული გარემოთი სარგებლობა და საზოგადოებრივ ცხოვრებაში აქტიურად ჩართვა“,-განაცხადა გორის მუნიციპალიტეტის მერმა კონსტანტინე თავზარაშვილმა.

გორის მუნიციპალიტეტის მერიის 2019 წლის ბიუჯეტი სხვადასხვა მიმართულებით შშმ პირთა ადაპტირების არაერთ ღონისძიებას აფინანსებს, კერძოდ, საგზაო ინფრასტრუქტურისა და მუნიციპალური ნაგებობების მშენებლობა-რეაბილიტაციის. ყველა პროექტი პანდუსების მშენებლობას ითვალისწინებს.

შშმ პირთა საზოგადოებაში ინტეგრაციას ემსახურება თანადაფინანსების პროგრამები, რომელთა საშუალებით გორის მერიამ მიმდინარე წელს 4 პროექტი განახორციელა. რისთვისაც ადგილობრივი ბიუჯეტიდან 88 000 ლარი გაიხარჯა. თანხა 25 შშმ ბავშვისა და 20 შშმ ვეტერანის რეაბილიტაციას და სამკურნალო კურორტზე დასვენებას, ასევე, კეთილდღეობისა და განვითარების ცენტრის ბენეფიციართა კვებასა და სწავლას მოხმარდა.

შშმ პირების დახმარებას ითვალისწინებს მერიის ჯანდაცვისა და სოციალური დახმარებების მუნიციპალური პროგრამაც, რომელიც ცერებრალური დამბლით დაავადებულ, აუტიზმისა და დაუნის სინდრომის მქონე პირებს მკურნალობის ხარჯების დაფარვას და ფულად დახმარებას სთავაზობს. ფულადი დახმარებებია გათვალისწინებული, ასევე, მხედველობადაქვეითებული და სმენადაქვეითებული შშმ პირებისთვისაც.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე