კახა კალაძე - კანდელაკის ქუჩაზე რეაბილიტირებული საკანალიზაციო მილი „თელასმა“ დააზიანა, ასეთი მიდგომა მიუღებელია, კომპანია დაჯარიმდება

თბილისის მერის კახა კალაძის ინფორმაციით, კანდელაკის ქუჩაზე რეაბილიტირებული საკანალიზაციო მილი კომპანია „თელასმა“ დააზიანა. ამის შესახებ მან დედაქალაქის მთავრობის სხდომაზე ისაუბრა.

კალაძის თქმით, „თელასმა“ ბურღვითი სამუშაოები ნებართვის გარეშე ჩაატარა.

„კანდელაკის ქუჩაზე ორ კონკრეტულ მონაკვეთზე დაზიანებული იყო საკანალიზაციო მილი, ეს დადგინდა მას შემდეგ, რაც შემოწმების აპარატის საშუალებით დაფიქსირდა ორი კონკრეტული ადგილი, სადაც ახალი ჩადებული, რეაბილიტირებული და განახლებული მილი ორ ადგილზე იყო გაგლეჯილი. ცხადია, ვიღაცას მიწის ბურღვითი სამუშაოები ჰქონდა ნაწარმოები ისე, რომ არც ნებართვა ჰქონდა, არც შეტყობინება იყო შემოსული და ორ ადგილზე იყო დაზიანებული. ეს, რა თქმა უნდა, ძალიან მძიმე იყო ჩვენთვის. განახლებული, სრულად რეაბილიტირებული დაზიანებული მილი ორ ადგილას კანდელაკის ქუჩაზე. ჩვენ დავიწყეთ მუშაობა, დღეს ორივე მონაკვეთი მოწესრიგებულია, თუმცა აქ არის სხვა პრობლემა - ეს ყველაფერი დააზიანა „თელასმა“, მე არ მესმის, უბრალოდ, ეს დამოკიდებულება, ეს მიდგომა ქალაქის, მუნიციპილიტეტის, იქ მცხოვრები ადამიანების მიმართ. იყო ახალი აშენებული კორპუსი და იმისთვის, რომ ელექტროენერგია, ძაბვა შეეყვანათ, გააკეთეს ბურღვითი სამუშაოები ნებართვის გარეშე“, - განაცხადა კალაძემ.

მისივე თქმით, ამის გამო კომპანია „თელასი“ დაჯარიმდება.

„ეს მიუღებელია და ჩვენ ასე ვერ გავაგრძელებთ მუშაობას. შესაბამისად, ჯარიმა იქნება გამოწერილი. დაიბარეთ ხელმძღვანელობა და დაელაპარაკეთ, რომ ეს მიდგომა მიუღებელია“, - აღნიშნა კალაძემ თბილისის მთავრობის სხდომაზე.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო