იმ ადგილებში, სადაც საზოგადოებრივი ტრანსპორტი საერთოდ არ მოძრაობს, ან მგზავრი დიდხანს ელოდება ტრანსპორტს, თბილისის მერია დამატებითი ავტობუსების შემოყვანას გეგმავს

თბილისის მერის, კახა კალაძის განცხადებით, ზოგიერთ რაიონში, სადაც ტრანსპორტი საერთოდ არ მოძრაობს, ან მგზავრი დიდხანს ელოდება ტრანსპორტს, ამ პრობლემის მოგვარებისთვის, თბილისის მერია ავტობუსების დამატებით შემოყვანას აპირებს.

როგორც კახა კალაძემ თბილისის მთავრობის დღევანდელ სხდომაზე განაცხადა, საზოგადოებრივი ტრანსპორტის მოწესრიგების თვალსაზრისით, მერია მხოლოდ ყვითელი ავტობუსების შემოყვანით არ შემოიფარგლება.

„ჩვენი ერთ-ერთი მთავარი დაპირება გახლავთ საზოგადოებრივი ტრანსპორტის მოწესრიგება, ახალი ავტობუსების შემოყვანა და ძველი, ყვითელი ავტობუსების, რომლებიც უმძიმეს მდგომარეობაშია, მათი ჩანაცვლება. თუმცა, ჩვენ მხოლოდ ამით არ შემოვიფარგლებით. იმ პარკის ჩანაცვლების გარდა, რომელიც დღეს ქალაქს ემსახურება, გვსურს დამატებით კიდევ შემოვიყვანოთ ავტობუსები იმისათვის, რომ იმ კონკრეტულ უბნებში, რაიონებში, სადაც საზოგადოებრივი ტრანსპორტი დღეს საერთოდ არ მოძრაობს, ან გვაქვს ისეთი ქუჩები, სადაც შეიძლება მოძრაობდეს, მაგრამ ძალიან დიდია ლოდინის დრო, რომელიც სერიოზულ დისკომფორტს წარმოადგენს ჩვენი თანაქალაქელებისთვის. შესაბამისად, მიღებულია გადაწყვეტილება, რომ ჩანაცვლების გარდა, შემოვიყვანოთ ავტობუსების დამატებითი მოცულობა, რომ ეს პრობლემა მთლიანად მოგვარდეს. გარდა ამისა, წინა მთავრობის სხდომაზე ხაზი გავუსვი იმას, რომ პარალელურად, აუცილებლად უნდა ჩანაცვლდეს მიკროავტობუსები, რადგან დღეს არსებული მდგომარეობა ვერანაირ კრიტიკას ვერ უძლებს. უმძიმეს მდგომარეობაშია, მგზავრებისთვის წარმოადგენს სერიოზულ დისკომფორტს, გამონაბოლქვის თვალსაზრისით, სრული კატასტროფა გვაქვს. იცით, ეკოლოგიას რამხელა ყურადღებას ვაქცევთ, კონკრეტულ ნაბიჯებს ვდგამთ, რომ არსებული პრობლემა მოგვარდეს. რა თქმა უნდა, ეს მხოლოდ საზოგადოებრივი ტრანსპორტის განახლებით ვერ მოგვარდება, თუმცა მნიშვნელოვანი კომპონენტია“, - განაცხადა კალაძემ.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა