გაერთიანებული წყალმომარაგების კომპანიამ მცხეთის მუნიციპალიტეტში, სოფელ ქსნის წყალმომარაგების შიდა ქსელების რეაბილიტაციის სამუშაოები დაასრულა, - ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

მათივე ინფორმაციით, სოფელში არსებული წყლის სისტემა დაზიანებული და ამორტიზებული იყო, რაც იწვევდა წყლის დანაკარგს და მოსახლეობას წყალი შეზღუდული გრაფიკით მიეწოდებოდა.

შესრულებული სამუშაოების შედეგად, ძველი ქსელი ახლით შეიცვალა, აღმოიფხვრა შიდა დაზიანებები და დაახლოებით 120-მდე ოჯახი სტაბილური, ხარისხიანი წყალმომარაგებით სარგებლობს.