„ერთიანი ნაციონალური მოძრაობის" წევრები და ლიდერები ზუგდიდის პოლიციის უფროსს, ირაკლი ფაცაციას შეხვდნენ. ოპოზიციური პარტიის წარმომადგენლებმა პოლიციის უფროსს მიმართეს, „რატომ არ ჰქონდათ სამართალდამცავებს დროული რეაგირება „ნაციონალური მოძრაობის“ ოფისთან გუშინ მომხდარ დანაშაულებრივ ქმედებებთან დაკავშირებით“. ამასთან დაკავშირებით ფაცაციამ მათ უთხრა, რომ ადგილზე მობილიზებული იყო პოლიციის ორი ეკიპაჟი და როგორც კი საჭირო გახდა, მათ დამატებით ჯგუფები დაემატა.

თავის მხრივ, ოპოზიციური პარტიის წევრები აცხადებენ, რომ პოლიცია სამარცხვინო გახდა.

აღსანიშნავია, რომ „ერთიანი ნაციონალური მოძრაობის“ წევრებს ხატია დეკანოიძეს და სალომე სამადაშვილს ზუგდიდის მერთან შეხვედრაც სურთ.