ზუგდიდის პოლიციის უფროსი, ირაკლი ფაცაცია აცხადებს, რომ გუშინ „ერთიანი ნაციონალური მოძრაობის“ ოფისთან პოლიციამ ადეკვატური რეაგირება მოახდინა.
როგორც ფაცაციამ „ერთიანი ნაციონალური მოძრაობის" წევრებს განუცხადა, საკითხზე გამოძიება მიმდინარეობს.
„ჩვენ მივიღეთ შეტყობინება და აქედან გამომდინარე მივიღეთ ზომები. ვიდრე ოფისის დარბევა მოხდებოდა, პერიმეტრზე იდგა პოლიციის ორი ეკიპაჟი. როგორც კი საჭირო გახდა პოლიციის ჩართულობა, პოლიციამ მაშინვე მოახდინა ადეკვატური რეაგირება.
მიმდინარეობს საგამოძიებო მოქმედებები და გამოძიების შედეგების შესაბამისად, როგორც ჩვენ, ასევე შინაგან საქმეთა სამინისტროს პრესსამსახური ამომწურავ პასუხებს გაგცემთ“, - განაცხადა ზუგდიდის პოლიციის უფროსმა.
თავის მხრივ, „ერთიანი ნაციონალური მოძრაობის“ წევრი ხატია დეკანოიძე აცხადებს, რომ პოლიცია ინფორმირებული იყო და ამის მიუხედავად შესაბამისი ზომები არ მიუღია.