დავით ჭიჭინაძე - „ქართულ ოცნებაში“ არიან დარჩენილი გონიერი ადამიანები, რომლებიც ხვდებიან, რომ საკმაოდ მძიმე სიტუაციაში ამოყვეს თავი

ქართულ ოცნებაში“ არიან დარჩენილი გონიერი ადამიანები, რომლებიც ხვდებიან, რომ საკმაოდ მძიმე სიტუაციაში ამოყვეს თავი და მე მაქვს იმედი, რომ ეს ადამიანები ქვეყანაზე უფრო ზრუნავენ, ვიდრე პარტიის ბედზე, - ამის შესახებ პარლამენტის დამოუკიდებელმა დეპუტატმა, დავით ჭიჭინაძემ განაცხადა.

ჭიჭინაძის თქმით, „ამ ადამიანებს პოლიტიკური გამოცდილებაც აქვთ, რამდენჯერმე ნანახიც აქვთ ის, რაც დღეს საქართველოში ხდება და შიგნით, დღეს პარტიაში წინააღმდეგობის გაწევის რესურსიც გააჩნიათ”.

„იმისთვის, რომ „ოცნებამ“ მორიგი სისულელე არ ჩაიდინოს, შიგნით სერიოზული დაპირისპირება იქნება და სწორედ ამიტომ ვფიქრობ, რომ ჩვენ ამ დარჩენილ გონიერ ადამიანებს ხელი უნდა შევუწყოთ, რომ უფრო მეტი გავლენის მოპოვება შეძლონ, ვიდრე იმ კომკავშირლებმა და ვითომ მეამბოხეებმა, თავიანთი გამოხტომებით. ზოგადად კი, „ოცნებისთვის“ საარჩევნო მოდელს უკვე ნამდვილად აღარ აქვს მნიშვნელობა. რადგან მათ მოსახლეობის მხარდაჭერა აღარ გააჩნიათ, შესაბამისად განაჩენიც უკვე გამოტანილია და ხელისუფლებაში დარჩენის რესურსიც ამოწურული აქვთ. მოკლედ, არსებოს ორი ვარიანტი, ან წავლენ, გადარჩებიან და მომავალში კიდევ ექნებათ იმედი, ან გაქრებიან „მოქალაქეთა კავშირივით“. ეს კი უკვე, რა თქმა უნდა „ოცნების“ გადასაწყვეტია”, - განაცხადა დავით ჭიჭინაძემ.

აღნიშნულ კომენტარს დავით ჭიჭინაძის პარტია „ტრიბუნას“ პრესსამსახური ავრცელებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ