შუახევის მერიის შენობასთან ხმაურია. „ნაციონალური მოძრაობისა“ და არასამთავრობო ორგანიზაცია „ალტერნატივას“ წარმომადგენლები აქციას მართავენ და შუახევის მერიის შენობაში განთავსებულ საქართველოს პარლამენტის დეპუტატის ანზორ ბოლქვაძის ბიუროში შესვლას ითხოვენ.
აქციის მონაწილეები აცხადებენ, რომ ანზორ ბოლქვაძე ბიძინა ივანიშვილის დავალებას ასრულებს. ისინი სტიკერებს აკრავენ წარწერით: „მონა“.
თავის მხრივ, „ქართული ოცნების“ წევრები სამართალდამცავებთან ერთად შუახევის მერიის მთავარ შესასვლელთან იმყოფებიან და აქციის მონაწილეებს შესვლის საშუალებას არ აძლევენ. ადგილზე სიტყვიერი დაპირისპირებაა.
თავდაპირველად „ნაციონალური მოძრაობისა“ და არასამთავრობო ორგანიზაცია „ალტერნატივას“ წარმომადგენლებმა ხულოში მუნიციპალიტეტში გამართეს აქცია.