„ნაციონალური მოძრაობისა“ და არასამთავრობო ორგანიზაცია „ალტერნატივას“ წევრებს ბათუმის მერიის შენობაში შესვლის საშუალებას დაცვის თანამშრომლები არ აძლევენ.
აქციის მონაწილეები საქართველოს პარლამენტის დეპუტატთან „ქართული ოცნებიდან", მუხრან ვახტანგაძესთან შეხვედრას ითხოვენ, რომლის ბიუროც მერიის შენობაშია განთავსებული.
მათი თქმით, დეპუტატთან საარჩევნო სისტემასთან დაკავშირებით შეკითხვები აქვთ.
„მუხრან ვახტანგაძეს გვინდა ვკითხოთ, თუ იცის რა განსხვავებაა პროპორციულ და მაჟორიტარულ არჩევნებს შორის“, - განაცხადა „ნაციონალური მოძრაობის“ წევრმა გია ხალვაშმა.
შეკრებილების თქმით, ბათუმის მერიის შენობაში შესვლის ნებართვა აქვთ და ისინი ბათუმის საკრებულოში „ერთიანი ნაციონალური მოძრაობის" წევრმა, ნოდარ დუმბაძემ მიიწვია.