არჩილ ჯაფარიძე ონის მუნიციპალიტეტში დასრულებულ პროექტებს გაეცნო
სახელმწიფო რწმუნებული არჩილ ჯაფარიძე, ონის მუნიციპალიტეტის მერის პირველ მოადგილესთან დიმიტრი საყვარელიძესთან და მაჟორიტარი დეპუტატის გოჩა ენუქიძის ბიუროს უფროსთან გიორგი მაქარაშვილთან ერთად, ონის მუნიციპალიტეტში დასრულებულ პროექტებს გაეცნო, - ამის შესახებ „ინტერპრესნიუსს“რაჭა-ლეჩხუმისა და ქვემო სვანეთის სამხარეო ადმინისტრაციის საზოგადოებასთან ურთიერთობის სამსახურიდან აცნობეს.
მათივე ინფორმაციით, ლაჩთა-შეუბნის გზის ასფალტირების სამუშაოები დასრულდა, რომლის ღირებულება 790 009 ლარია. შემსრულებელი კომპანია არის შ.პ.ს "რაჭა 2005." ხოლო, დაფინანსების წყარო მთის ფონდია.
ასევე, დასრულდა ბარი-მრავალძლის გზის ასფალტირების სამუშაოები. პროექტის ღირებულება 1 564 138,65 ლარია.
რწმუნებულმა ყურადღება გაამახვილა სამუშაოების შესრულების ხარისხზე და აღნიშნა,რომ მუნიციპალიტეტებში, ყველა შემსრულებელმა ვადების დაცვით და მაღალი ხარისხით უნდა შეასრულოს სამუშაოები.
v-if="article.gallery" v-html="article.gallery"
