რუსთავის მერი ირაკლი ტაბაღუა შშმ პირთა  უფლებების დაცვის საერთაშორისო დღესთან დაკავშირებით გამართულ სპორტულ ღონისძიებას დაესწრო

რუსთავის მერი ირაკლი ტაბაღუა, შეზღუდული შესაძლებლობების მქონე პირთა უფლებების დაცვის საერთაშორისო დღესთან დაკავშირებით გამართულ სპორტულ ღონისძიებას დაესწრო.

როგორც „ინტერპრესნიუსს“ რუსთავის მერიიდან აცნობეს, ღონისძიების ფარგლებში, რუსთავის #7 საჯარო სკოლაში ჩატარდა ტურნირები ჭადრაკში, შაშში, ბოჩაში და მაგიდის ჩოგბურთში. სპორტულ აქტივობაში ჩართულები იყვნენ განსაკუთრებული მზრუნველობის საჭიროების რუსთავის დღის ცენტრების აღსაზრდელები. ირაკლი ტაბაღუამ საპრიზო ადგილებზე გასულებს, ქალაქის მერიისგან სამახსოვრო საჩუქრები, სიგელები და მედლები გადასცა.

,, იმ ადამიანებთან ერთად, ვისაც ჩვენი მხრიდან განსაკუთრებული მზრუნველობა სჭირდება, ჩვენ სხვადასხვა ღონისძიებებს ტრადიციულად ვმართავთ. ორიოდე დღის წინ, ცენტრის აღსაზრდელებმა ძალიან საინტერესო მუსიკალური სპექტაკლი წარმოგვიდგინეს, დღეს უკვე სპორტული ღონისძიება გვაქვს. მათი მხრიდან ასეთი აქტივობა ჩვენთვის განსაკუთრებული სიხარულის მომგვრელია. დიდი სურვილი მაქვს, რომ ამ ღონისძიებებში არა მხოლოდ ადგილობრივი ხელისუფლება, არამედ ჩვენი მოსახლეობა და ის ადამიანებიც იყვნენ ჩართული, ვინც რუსთავის ტერიტორიაზე სხვადასხვა ეკომიკურ საქმიანობას ეწევიან. ჩვენ თუ ვიქნებით განსაკუთრებული მზრუნველობის საჭიროების ადამიანების მეგობრები, გვეყვარება ისინი, დამერწმუნეთ, რომ ჩვენს ქვეყანას ნამდვილად დიდი მომავალი ექნება“, - განაცხადა რუსთავის მერმა ირაკლი ტაბაღუამ ჟურნალისტებთან საუბარში.

შეზღუდული შესაძლებლობების მქონე პირთა უფლებების დაცვის საერთაშორისო დღესთან დაკავშირებით, სპორტული ღონისძიება ტრადიციულია და რუსთავი მას ყოველ წელს მასპინძლობს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა