აჭარის მთავრობის სახლთან გაერთიანებული ოპოზიციის აქცია დასრულდა. აქციის მონაწილეები რეგიონის მთავრობისგან აჭარის უმაღლეს საბჭოში პროპორციული საარჩევნო სისტემის განხილვას ითხოვდნენ.
აქციის მონაწილეების განცხადებით, პარლამენტის პარალელურად, აჭარის უმაღლესი საბჭო პროპორციულ საარჩევნო სისტემაზე უნდა გადავიდეს.
„კანონპროექტი ინიცირებულია. იყო საყოველთაო განხილვა, საკომიტეტო მოსმენები, ახლა უნდა რიჟვაძეს, რომ ისევე „გადააგდოს“ ხალხი, როგორც ივანიშვილმა", - განაცხადა უმაღლესი საბჭოს „ერთიანი ნაციონალური მოძრაობის" დეპუტატი გია აბულაძე.
აჭარის მთავრობის სახლთან სამართალდამცავები იყვნენ მობილიზებული.