გიორგი მარგველაშვილი - ზურაბ ჟვანია  იყო ადამიანი, რომელმაც ევროპული ტრადიცია შეიტანა პარლამენტში

ზურაბ ჟვანია იყო ადამიანი, რომელმაც ევროპული ტრადიცია შეიტანა პარლამენტში, რომ ოპოზიციაც შენი საპარლამენტო პროცესის ნაწილია და ამ ყველაფრის დღევანდელობაში გადმოტანა მგონი ბევრ იმ პრობლემას გადაწყვეტს, რომელიც ქართული პოლიტიკის წინაშე დგას, - ამის შესახებ საქართველოს ყოფილმა პრეზიდენტმა გიორგი მარგველაშვილმა ევროპის უნივერსიტეტში განაცხადა, სადაც ის საქართველოს ყოფილი პრემიერ-მინისტრის, ზურაბ ჟვანიას ვარკვლავის და მისი სახელობის დარბაზის გახსნას ესწრებოდა.

გიორგი მარგველაშვილის განცხადებით, მისთვის ძალიან მნიშვნელოვანია, რომ „უნივერსიტეტებში და ჩვენს აქტიურ ცოდნაში ზურაბ ჟვანია აქტიური და ცოცხალი იყოს".

„ის არის პოლიტიკოსი, რომლის მოღვაწეობაც მარტო ერთი ფრაზით, რომელიც ვიცით: „მე ვარ ქართველი და, მაშასადამე, მე ვარ ევროპელი", არ შემოიფარგლება. ზურაბ ჟვანია ბევრად უფრო მდიდარია და დიდი მნიშვნელობა ჰქონდა მის მოღვაწეობას ამ ფრაზის მიღმა. ეს იყო ადამიანი, რომელმაც ევროპული ტრადიცია შეიტანა პარლამენტში, უმცირესობების უფლებები, ოპოზიციის უფლებები, მათი უფლებების აქტიურად დაფიქსირება, აქტიური თანამშრომლობა, არამარტო იმის განცდა, რომ შენ ხარ უმრავლესობაში, არამედ იმის განცდა, რომ ოპოზიციაც შენი საპარლამენტო პროცესის ნაწილია და ამ ყველაფრის გაცოცხლება, დღევანდელობაში გადმოტანა მგონი ბევრ იმ პრობლემას გადაწყვეტს, რომელიც ქართული პოლიტიკის წინაშე დგას“, - განაცხადა მარგველაშვილმა.

ცნობისთვის, ევროპის უნივერსიტეტში ქართველი პოლიტიკოსის, საქართველოს ყოფილი პრემიერ-მინისტრის ზურაბ ჟვანიას სახელობის ვარსკვლავი და მისი სახელობის დარბაზი გაიხსნა. ჩატარდა წიგნის „ზურაბ ჟვანია - ოფიციალური განცხადებები, გამოსვლები, ინტერვიუები" პრეზენტაციაც.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება