ქუთაისში, კიკვიძის პარკში, სადაც ოპოზიციური პარტიების ლიდერები და მათი მხარდამჭერები იყვნენ შეკრებილი, ინციდენტი მოხდა.

ინციდენტი უცნობი პირის გამოჩენამ გამოიწვია, რომელმაც „ახალი საქართველის“ ლიდერის, გიორგი ვაშაძის მიმართულებით ბოთლი ისროლა.

აღნიშნულს მოჰყვა აქციის მონაწილეთა გაღიზიანება, რის შემდეგაც უცნობმა პირმა ტერიტორია დატოვა.

„ვიღაც იყო, ერთი პროვოკატორი და მოვუწოდე ყველას, რომ დავმშვიდებულიყავით. „ქართული ოცნების“ სტანდარტია ძალადობის გამოწვევა და ჩვენ არ ავყვებით ძალადობაში. მათ არ აქვთ ის ძალა, რომ დიდი პროვოკაცია მოაწყონ და იქნება ასეთი მცირე პროვოკაციები, რასაც ჩვენ არ ავყვებით,“- განაცხადა გიორგი ვაშაძემ.

კიკვიძის პარკიდან ამ წუთებში აქციის მონაწილეებმა აღმაშენებლის მოედნის მიმართულებით მსვლელობა დაიწყეს.