ქუთაისში, „ქართული ოცნების“ ოფისთან მხარდამჭერები არიან მობილიზებული

ქუთაისში, „ქართული ოცნების“ ოფისთან მხარდამჭერები არიან მობილიზებული. როგორც ისინი აცხადებენ, ადგილზე უსაფრთხოების მიზნით იმყოფებიან, რომ ოპოზიციის აქციის მონაწილეებმა ოფისის ვიტრინები არ დაამტვრიონ.

„ქართული ოცნების“ მხარდამჭერები ამბობენ, რომ მათი მხრიდან რაიმე ინციდენტს ადგილი არ ექნება.

შეგახსენებთ, ქუთაისში გაერთიანებული ოპოზიცია აქციას მართავს. ისინი მსვლელობას კიკვიძის პარკიდან აღმაშენებლის მიმართულებით მართავენ. ამ დრომდე აქციის მიმდინარეობისას რამდენიმე ინციდენტი დაფიქსირდა. კიკვიძის პარკში შეკრებილ აქტივისტებს უცნობმა პირებმა კვერცხები ესროლეს. ამასთან, „ახალი საქართველოს“ ლიდერს, გიორგი ვაშაძეს უცნობმა პირმა ბოთლი ესროლა.