საქართველომ რუსეთს ძმები გლუშკოვები გადასცა, რომლებიც კორუფციისა და თაღლითობის ბრალდებით იძებნებოდნენ

რუსეთის პროკურატურის მიერ ძებნილი რუსი ძმები გლუშკოვები საქართველომ რუსეთის ფედერაციას გადასცა. როგორც „ინტერპრესნიუსს“ ბრალდებულების ადვოკატმა, ლალი აფციაურმა განუცხადა, ძმები პოლიტიკურ თავშესაფარს ითხოვდნენ, თუმცა, სამივე ინსტანციის სასამართლომ მიიღო გადაწყვეტილება, რომ გლუშკოვების ექსტრადირება უნდა მომხდარიყო.

ადვოკატის ინფორმაციით, მასალებში, რომელიც რუსეთის ფედერაციიდან გადმოიგზავნა, ჩანდა, რომ საქმე „შეკერილი და გამოგონილი“ იყო. გარდა ამისა, ლალი აფციაური აღნიშნავს, რომ მასალები ქართულმა სასამართლომ დაგვიანებით მიიღო.

„სამწუხაროდ, ჩვენმა საერთო სასამართლოებმა არ გაითვალისწინეს არაფერი. რუსეთის ციხეში რომ უმძიმესი მდგომარეობაა, ამას საუბრობენ საერთაშორისო ორგანიზაციები, არაერთი დასკვნა დევს ამაზე, თუ როგორ აწამებენ და ქრებიან პატიმრები, მით უმეტეს, როცა პოლიტიკური ნიშნით არიან ციხეში. ამ საქმეში კი გამოკვეთილი ინტერესია, ჩვენ ეს ყველაფერი გვაძლევდა იმის თქმის საფუძველს რომ იყო პოლიტიკური ნიშნით დევნა და ამ ადამიანების გადაცემის შემთხვევაში, ისინი შესაძლებელია, დაქვემდებარებოდნენ წამებას და არაადამიანურ მოპყრობას, უფრო მეტიც, მათ სიცოცხლეს დამუქრებოდა საფრთხე.

ვნახოთ, რა იქნება ახლა, წესი ასეთია - გადამცემი სახელმწიფო მიმღები სახელმწიფოსგან იღებს გარანტიებს, რომ არ დაექვემდებარება წამებას, მაგრამ რუსეთის ფედერაციის საქართველოსთვის მოცემული რომელი გარანტია, რომელი დადებული ხელშეკრულება იქნა შესრულებული, რომ ეს გარანტია აღსრულდეს? მით უმეტეს ისეთ ფონზე, როცა არ გაქვს მონიტორინგის საშუალება.

როგორც წესი, გადამცემი ქვეყანა ვალდებულია აწარმოოს მონიტორინგი და როგორ უნდა შეამოწმოს, როცა დიპლმატიური ურთიერთობა არ გვაქვს. ვენდეთ სიტყვაზე. ქართული ფილმი მახსენდება - ა ბატონო, ჩემი ნამუსიო, ულვაშს რომ მოიწიწკნის და დაუტოვებს. ნამუსზე ვენდეთ რუსეთს. როგორია? - აცხადებს ადვოკატი „ინტერპრესნიუსთან“.

რუსეთში ალექსანდრე და ვლადიმერ გლუშკოვებს თაღლითობასა და კორუფციაში ადანაშაულებენ. ისინი საქართველოში 2018 წლის აგვისტოში დააკავეს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო